MODERNA - MODELO DE DESARROLLO ECONÓMICO DE NAVARRA

Moderna Nafarroaren garapen ekonomikorako Eredu berria da: Eskualdeko Plan Estrategikoa da, epe ertain eta luzekoa, Nafarroako Gobernuak (Unión del Pueblo Navarro – UPN) Nafarroako Alderdi Sozialistarekin (PSN), Nafarroako Enpresaburuen Konfederazioarekin (CEN), Unión General de Trabajadoresekin (UGT), Comisiones Obrerasekin (CCOO), Nafarroako Unibertsitate Publikoarekin (UPNA) eta Nafarroako Unibertsitatearekin (UN) batera sustatutakoa.

Modernak hausnarketa estrategikoa egiteko etengabeko prozesua ireki du, ekonomia globalaren baldintza berriei aurre egiteko orduan Nafarroak dituen lamen eta arriskuen inguruan hausnartzekoa.

Modernak eraldaketa bilatzen du, etorkizunean aberastasun iraunkorra sortuko dela bermatzeko, 60ko hamarkadan Nafarroan gertatu zen modernizazio industriala bezain garrantzitsua izango dena.

Modernak ezagutzan eta pertsonetan oinarritutako gizartea du xede, horiek bihurtuko baitute aberastasuna gizarte-kohesio eta ongizate.

Moderna eredu bat da, guztiona eta guztiontzat, gizarteak zuzenean sortutakoa, gizartearen maila ezberdinen parte-hartzea eta erantzukizunaren eta ezagutzaren erakundeen parte-hartzea izan duena.

Modernak barne hartzen ditu:

• Etorkizuneko Nafarroaren ikuspegia.
• Ikuspegi hori gauzatzeko zenbait helburu estrategiko.
• Helmuga horretara heltzeko egin beharreko bidea.
• Produkzioaren testuingurua hobetzeko beharrezkoak diren aldaketak.
• Aldeko apustua jasotzen duten sektore ekonomiko berritzaileak.
• Jarraipena eta ebaluazioa egiteko sistema.

Moderna ez da hutsetik abiatzen. Nafarroan azken urteotan egindako guztiak, eta Nafarroako plan eta proiektu publiko zein pribatuek parte hartzen dute Modernan.